سی پیک پائیدار اقتصادی ترقی کو یقینی بنا رہا ہے، وزیر اعظم شہباز شریف۔

وزیر اعظم شہباز شریف نے چینی میڈیا کو دیئے گئےانٹرویو میں کہا ہے کہ سی پیک نے تیزی سے اور قابل تعریف ترقی کا سلسلہ جاری رکھا ہے۔ انہوں نے مزید کہاکہ گزشتہ دس سالوں کے دوران سی پیک نے بنیادی ڈھانچے اور توانائی کی مشکلات کو کم کرنے اور طویل مدتی اقتصادی جدید کاری کے لیے بنیاد بنانے میں پاکستان کی مدد کی ہے۔ انہوں نے یہ بھی کہا کہ پاکستان سی پیک کی افغانستان تک توسیع کی حمایت کرتا ہے کیونکہ اس سے علاقائی روابط اور اقتصادی انضمام میں بہتری آئے گی۔ انہوں نے اس بات کا اعادہ کیا کہ پاکستان نے ہمیشہ ون چائنا پالیسی کی بھرپور حمایت کی ہے اورتائیوان کو چین کا اٹوٹ اور ناقابل تنسیخ حصہ قرار دیا ہے۔