سی پیک پاکستان میں ایک اقتصادی انقلاب برپا کرسکتا ہے،شکیل احمد رامے۔

ایشیاء اسٹیڈی سنٹر ایس ڈی پی آئی کے ڈائریکٹر شکیل احمد رامے لکھتے ہیں کہ سی پیک پاکستان کی معیشت میں ایک انقلاب لانے کی بھرپور صلاحیت رکھتا ہے۔ وہ پاکستان پر زور دیتے ہیں کہ وہ اس اقتصادی نمو کے بہترین موقع سے بھرپور فائدہ اٹھائے۔انہوں نے اس بات پر روشنی ڈالی ہے کہ دو ایسے شعبے ہیں جن پر فوری توجہ کی ضرورت ہے۔ جن میں اوّل، صنعت کاری جس کو معیشت کے اہم محرک کے طور پر خاص توجہ دینے کی ضرورت ہے۔ دوئم،چینی سپلائی چَین میں شامل ہونا خاص طور پر چھوٹے اور درمیانے درجے کے کاروباری اداروں (ایس ایم ای) کو شامل کرنا ہے۔ مزید برآں وہ لکھتے ہیں کہ دونوں ممالک زراعت ، سائنس و ٹیکنالوجی میں تعاون کے سلسلے کو مزید آگے بڑھا سکتے ہیں۔ انہوں نے یہ کہتے ہوئے یہ نتیجہ اخذ کیا کہ حکومت کو زیادہ موثر پالیسیاں بنانے کے لئے زرعی ماہرین کو اپنی ٹیم میں شامل کرنے کی ضرورت ہے۔