سی پیک پاکستان کو ایک صنعتی اور لوجسٹک مرکز میں تبدیل کرے گا،وزیرِ بحری امور

چیئرمین چین پاکستان اقتصادی راہداری (سی پیک) اتھارٹی لیفٹیننٹ جنرل (ر) عاصم سلیم باجوہ اور وفاقی وزیر برائے بحری امور سید علی حیدر زیدی نے سی پیک کے مختلف منصوبوں پر پیشرفت پر تبادلہ خیال کیا۔ وفاقی وزیر نے چیئرمین سی پیک اتھارٹی اور ان کی ٹیم کی مختلف منصوبوں کی تیزی سے تکمیل کو یقینی بنانے کی کاوشوں کو سراہا اور امید ظاہر کی کہ سی پیک پاکستان کو صنعتی اور لوجسٹک مرکز میں تبدیل کرے گا۔ عاصم سلیم باجوہ نے تعاون کے لئے وزیرِ بحری امور اور وزارت کا خاص شکریہ ادا کیا جو سی پیک کی کامیابی کا موجب بن رہا ہے۔