سی پیک پاکستان کے روشن مستقبل کا ضامن ہے،گورنر پنجاب۔

چیئرمین سی پیک اتھارٹی لیفٹیننٹ جنرل (ر) عاصم سلیم باجوہ نے پنجاب کے گورنر چوہدری محمد سرور سے گورنر ہاؤس پنجاب میں ایک خصوصی ملاقات کی۔اس دوران چوہدری محمد سرور نے کہا کہ سی پیک پاکستان کے روشن مستقبل کا ضامن ہے۔ انہوں نے روشنی ڈالی کہ سی پیک کے تحت منصوبے بروقت مکمل ہوں گے۔ چیئرمین لیفٹیننٹ (ر) عاصم سلیم باجوہ نے گورنرپنجاب چوہدری محمد سرور کو سی پیک کے جاری منصوبوں کے حوالے سے آگاہ کیا اور ملک کی ترقی میں سی پیک کے کردار پر روشنی ڈالی۔ انہوں نے کہا کہ آج تمام بین الاقوامی ادارے پاکستان کی معاشی نمو اور استحکام کو تسلیم کررہے ہیں اور صنعتی شعبے سمیت تمام شعبوں میں سرمایہ کاری میں اضافہ ہوا ہے۔ چیئرمین سی پیک اتھارٹی لیفٹیننٹ جنرل (ر) عاصم سلیم باجوہ نے کہا کہ سی پیک منصوبوں پر کام تیز کیا جارہا ہے جبکہ یہ پاکستان اور چین کے مابین تعاون کا ایک پائلٹ پراجیکٹ ہے۔