سی پیک کے اگلے فیز میں دائرہ کار کو صنعت اور زراعت کے شعبوں میں وسعت دی جائے گئی۔ سیکریٹری پلاننگ۔

سیکریٹری منصوبہ بندی ظفر حسن نے سینئر سول آفیسروں کے وزارت منصوبہ بندی و ترقی کے دورے کے دوران ان سے ہونے والی ملاقات میں کہا ہے کہ چائینہ-پاکستان اقتصادی راہداری منصوبہ کے دائرہ کار کو وسیع کرنا وقتِ حاضر کی ایک اہم ضرورت ہے۔ان کا مزید کہنا تھا کہ سی پیک منصوبہ کے دوسرے مرحلے کے تحت دونوں ممالک نہ صرف صنعت اور زراعت کے شعبوں میں باہمی تعاون کو فروغ دے رہے ہیں بلکہ سماجی فلاح و بہبود کے شعبے کی ترقی کے علاوہ تجارت کے فروغ کے ذریعے مارکیٹ تک رسائی کے لئے بھی اپنی کاوشوں کو بروئے کار لا رہے ہیں۔ ان کا مزید کہنا تھا کہ سی پیک منصوبہ کے اگلے مرحلے میں نجی شعبے کی مدد سے ہی ملک میں صنعت کاری کے فیز کو کامیاب بنایا جا سکتا ہے۔