سی پیک کے تحت توانائی کے شعبے میں پاک-چین دو طرفہ تعاون نہایت خوش آئیند۔۔۔یاؤ جنگ،چینی سفیر برائے پاکستان۔

پاکستان میں متعین چینی سفیر یاؤ جِنگ نے وفاقی وزیر برائے توانائی و پٹرولیم عمر ایوب خان سے خصوصی ملاقات کی ہےاور باہمی دلچسپی کے امور خصوصاً توانائی کے شعبے میں دوطرفہ تعاون پر تبادلہ خیال کیا ہے۔ وفاقی وزیر نے کوہالہ ہائیڈرو پاور پراجیکٹ معاہدے کی اہمیت پر روشنی ڈالی اور اسے سی پیک کے تحت ایک اہم سنگ میل قرار دیا۔ وفاقی وزیر نے دوطرفہ اسٹریٹجک تعاون کو نئی بلندیوں تک پہنچانے کی یقین دہانی کرائی۔ چینی سفیر یاؤ جِنگ نے سی پیک کے تحت کوہالہ ہائیڈرو پاور پراجیکٹ معاہدے پر دستخط کی تعریف کی اور کہا کہ سی پیک توانائی منصوبوں نے پاکستان کے توانائی کے شعبے کی ترقی میں نمایاں کردار ادا کیا ہے اورسی پیک سے وابستہ توانائی کے منصوبوں نے نیشنل گرڈ میں بجلی کی کافی مقدار کوشامل کیا ہے۔