سی پیک کے تحت تھر بلاک ون مائننگ پراجیکٹ میں 1100 سے زائد ملازمتیں فراہم کرنے کا اعلان۔

سی پیک بِلا کسی تاخیر کے ترقی کے سفر پر گامزن ہے۔ تفصیلات کے مطابق سی پیک کے دوسرے مرحلے کا مقصد پاکستان کی سماجی و معاشی ترقی کو فروغ دینا ہے۔ چیئرمین سی پیک اتھارٹی لیفٹیننٹ جنرل (ر) عاصم سلیم باجوہ نے آگاہ کیا ہے کہ سی پیک کے تحت شنگھائی الیکٹرک کے ذریعہ تھر بلاک ون کان کنی منصوبے کے تحت مختلف زمروں میں 1100 سے زیادہ ملازمتیں فراہم کی جا رہی ہیں۔ چیئرمین نے مزید کہا کہ جو مقامی افراد معیار اور قابلیت کے تحت اہل ہوں گےانہیں ملازمتوں میں خاص ترجیح دی جائے گی ۔ دریں اثنا وزیر صنعت و پیداوار حماد اظہر نے یقین دہانی کرائی ہے کہ حکومت سی پیک کے تحت خصوصی اقتصادی علاقوں کی ترقی کو تیز کرنے کے لئے تمام ضروری اقدامات اٹھا رہی ہے۔