سی پیک کے تحت گوادر بندرگاہ کے فوائد سے پورا خطہ مستفید ہوگا،چینی عہدیدار۔

چائینہ اوورسیز پورٹ ہولڈنگ کمپنی کے چیئرمین ژانگ باؤژونگ نے صحافیوں سے گفتگو کے دوران سی پیک فریم ورک کے تحت تعمیر ہونے والی گوادر بندرگاہ کی اہمیت پر روشنی ڈالی ہے۔ انہوں نے کہا کہ یہ بندرگاہ خطے میں شراکت دار ممالک کے لئے رابطے کی نئی راہیں ہموار کرے گا۔ گوادر بندرگاہ کے توسط سے حال ہی میں شروع ہونے والی افغان ٹرانزٹ تجارت کا ذکر کرتے ہوئے انہوں نے کہا کہ گوادر بندرگاہ کی کامیابی خطے میں امن کے لئےناگزیر ہے۔ مزید برآں انہوں نے سی پیک کے تحت روزگار کے مواقع پیدا ہونے کے حوالے سے گفتگو کرتے ہوئے صحافیوں کو گوادر میں ہونے والے منصوبوں کے بارے میں آگاہ کیا۔