ماہرین نے پاکستان اور چین کے مضبوط تعلقات میں باہمی اعتماد اور تعاون کی اہمت کو اجاگر کیا۔

زوزو میونسپل فارن افیئرز آفس، جیانگسو نارمل یونیورسٹی اور پنجاب یونیورسٹی نے مشترکہ طور پر “پیچھے دیکھنا اور آگے بڑھنا” کے عنوان سے ایک ویبینار کا انعقاد کیا جس میں ماہرین نے دونوں ممالک کے درمیان قریبی تعلقات پر روشنی ڈالی۔ اس موقع پر پاکستانی سفیر معین الحق بھی موجود تھے انہوں نے تعاون بڑھانے اور سیاسی اور اقتصادی روابط کو بڑھانے میں تعلیمی اداروں کی اہمیت پر روشنی ڈالی۔ شنگھائی میں پاکستان کے قونصل جنرل حسین حیدر نے کہا کہ پاکستان میں چینی سرمایہ کاری کو پاکستان میں فروغ دینے کے لیے مینوفیکچرنگ کو بروئے کار لایا جا سکتا ہے اورچین اور یورپی یونین کو صفر درآمدی ڈیوٹی پر برآمد کیا جا سکتا ہے۔