مشیر وزیراعظم برائے تجارت عبدالرزاق داﺅد کی چینی وفد کو انفارمیشن ٹیکنالوجی کے شعبے میں سرمایہ کاری کی ترغیب

وزیر اعظم کے مشیر برائے تجارت‘ صنعت و پیداوار,ٹیکسٹائل و سرمایہ کاری عبدالرزاق داﺅد نے چائینہ ریلوے کنسٹریکشن کارپوریشن (سی آر سی سی)کے وفد کے ساتھ ملاقات میں پاکستان کے انفارمیشن ٹیکنالوجی کے شعبے میں سرمایہ کاری کے مواقعوں کو بروئے کار لانے کے لئے چینی سرمایہ کاری کا خیر مقدم کرنے کے عزم کا اظہار کیا ہے.اس دوران چائینہ ریلوے کنسٹریکشن کارپوریشن (سی آر سی سی)کے وفد نے پاکستان میں آئی ٹی کے شعبے میں سرمایہ کاری کی خواہش کا اظہار کرتے ہوئے کہا کہ پاکستان میں انفارمیشن ٹیکنالوجی کے شعبے میں سرمایہ کاری کے بے پناہ مواقع موجود ہیں جن میں چین پاکستانی معیشت پر بوجھ کا باعث بنے بغیر بہترین حکمت عملی اپنا کر سی پیک منصوبہ کے سپیشل اکنامک زونز میں سرمایہ کاری کرے گا اور اس میں انفارمیشن ٹیکنالوجی کے شعبے کو خاص فوقیت دی جائے گی تاکہ پاکستان میں اس شعبے میں سرمایہ کاری کے مواقعوں کو بروئے کار لایا جا سکے.