وزیر اعظم عمران خان کی جانب سے سی پیک منصوبوں پر کام دوبارہ شروع کرنے کی ہدایت۔۔۔۔

پاکستان نے ایک دفعہ پھر تصدیق کی ہے کہ چین-پاکستان اقتصادی راہداری پر کام کی پیش رفت کووڈ-19کی وبائی بیماری کے سبب متاثر نہیں ہوگی۔ تفصیلات کے مطابق وزیر اعظم پاکستان عمران خان نے سی پیک کے تحت منصوبوں پر عملدرآمد کی سرگرمیوں کا دوبارہ آغاز کرنے کی ہدایت کی ہے۔ وزیر اعظم نے چین سےطبی امدادی کی فراہمی پر تشکر کا اظہار کیا اور امید ظاہر کی کہ اس سے پاکستان کو کوڈ 19 کے خلاف جنگ میں کامیابی حاصل کرنے کے امکانات روشن ہونگے۔ انہوں نے مزید کہا ہے کہ چین کی مدد سے وبا پر قابو پانے کے لئے پاکستان کی صلاحیت بڑھے گی۔