وزیر اعظم کے معاون خصوصی برائے سی پیک خالدمنصور کی جانب سے چینی سرمایہ کاروں کو بزنس ٹو بزنس تعاون سے فائدہ اٹھانے کی دعوت۔

صنعتی، زرعی اور تکنیکی شعبوں میں سرمایہ کاری کے مواقع تلاش کرنے کے لیے چینی سرمایہ کاروں کے ساتھ ملاقات کے دوران وزیراعظم کے معاون خصوصی برائے سی پیک خالد منصور نے کہا ہے کہ میگا پروجیکٹ کے دوسرے مرحلے کا مقصد صنعتی، تکنیکی اور زرعی شعبوں میں دو طرفہ تعاون کو بڑھانا ہے۔ انہوں نے اس بات پر بھی روشنی ڈالی کہ بزنس ٹو بزنس تعاون دوسرے مرحلے کا اہم خاصہ ہوگا۔مزید برآں انہوں نے خصوصی اقتصادی زونز میں دی جانے والی ٹیکس مراعات کے بارے میں بھی بات کی۔ یہ اجلاس وفاقی وزیر برائے منصوبہ بندی، ترقی و خصوصی اقدامات اسد عمر کی زیر صدارت منعقد ہوا۔