وزیر خارجہ بلاول نے چینی شہریوں اور سی پیک منصوبوں کے تحفظ کو یقینی بنانے کے لیے پاکستان کے عزم کا اظہار کیا

وزیر خارجہ بلاول بھٹو زرداری نے چین کے شہرگوانگزو میں اپنے چینی ہم منصب وانگ یی کے ساتھ مشترکہ پریس کانفرنس کرتے ہوئے کہا ہےکہ  پاک چین تعلقات کو نقصان پہنچانے کی ہرگز اجازت نہیں دی جائے گی۔ انہوں نے مزید کہا کہ دونوں ممالک کے دوطرفہ تعلقات باہمی یکجہتی، اعتماد، احترام اور حمایت پر قائم ہیں۔ انہوں نے علاقائی امن، استحکام اور خوشحالی کے لیے کثیرالجہتی کے لیے پاکستان کے عزم کو بھی اجاگر کیا۔وزیر خارجہ نے گزشتہ ماہ کراچی یونیورسٹی میں چینی اسکالرز پر دہشت گردانہ حملے کی مذمت کی۔ بلاول کے مطابق اس واقعے کے ذمہ داروں کو انصاف کا سامنا کرنا پڑے گا اور پاکستان چینی شہریوں اور ملک میں منصوبوں کی حفاظت اور تحفظ کو یقینی بنائے گا۔ انہوں نے مسئلہ کشمیر میں پاکستان کے موقف کی غیر متزلزل حمایت پر چین کا بھی شکریہ ادا کیا۔