وزیراعظم آفس کے ایڈیشنل سیکریٹری نے سی پیک منصوبوں پر کام کی پیش رفت کا جائزہ لیا۔

وزیر اعظم شہباز شریف کے دفتر کے ایڈیشنل سیکرٹری ندیم اسلم چوہدری نے سی پیک کے کئی جاری ترقیاتی منصوبوں کی پیشرفت اور ان پر عملدرآمد کا جائزہ لینے کے لیے گوادر کا دورہ کیا۔ یہ دورہ وزیراعظم کی خصوصی ہدایت پر کیا گیا جس کا مقصد ترقی کے جاری اقدامات کی نگرانی کرنا اور وزیراعظم سیکرٹریٹ کو مستقل بنیادوں پر رپورٹ کرنا ہے تاکہ وفاقی حکومت گوادر کی تیز رفتار ترقی کے سفر کو خوش اسلوبی سے آگے بڑھاسکے۔