وزیراعظم شہباز شریف کا جلد دورہ چین متوقع۔

ایک میڈیا رپورٹ کے مطابق وزیر اعظم شہباز شریف کا جلد چین کا دورہ متوقع ہے جہاں وہ چینی قیادت سے گفت و شنید کے ذریعے چین پاکستان اقتصادی راہداری (سی پیک) کے حوالے سے اپنے عزم کی توثیق کریں گے۔ وزیر اعظم شہباز شریف اپنے قریبی ساتھیوں بالخصوص اپنی اقتصادی ٹیم کے ہمراہ موجودہ معاشی چیلنجز سے نمٹنے کے لیے اقتصادی تعاون پر توجہ مرکوز کریں گے۔ دفتر خارجہ نے وزیراعظم کے دورے کی تاریخوں کو حتمی شکل دینے کے لیے سفارتی چینلز سے کام شروع کر دیا ہے۔