وزیراعظم شہباز شریف کی پاک چین سفارتی تعلقات کے قیام کی 71ویں سالگرہ پر چینی صدر کو مبارکباد

پاکستان اور چین کے درمیان سفارتی تعلقات کے قیام کی 71 ویں سالگرہ پر وزیراعظم شہباز شریف نے چینی صدر شی جن پنگ، دونوں ممالک کی حکومتوں اور عوام کو مبارکباد دی ہے۔ انہوں نے اس موقع پر اپنے پیغام میں کہا کہ چین اور پاکستان  کے درمیان برادرانہ تعلقات قائم  ہیں۔ وزیر اعظم نے مزید کہا ہے دونوں ممالک کے رہنماؤں اور عوام نے دوستی کے اس سدا بہار  شجر  کو پروان چڑھایا ہے۔ وزیر اعظم نے دونوں ممالک کے ان تمام رہنماؤں کو شاندار خراج تحسین پیش کیا جنہوں نے اپنی بے مثال دوستی کو کوآپریٹو اسٹریٹجک پارٹنرشپ اور آئرن برادرز بانڈ میں بدلنے کے لیے انتھک محنت کی۔ وزیراعظم نواز شریف نے مزید کہا کہ سی پیک اقتصادی تعاون، غربت کے خاتمے اور رابطہ کاری کے لیے ایک ٹھوس پلیٹ فارم  ہے۔