وزیراعظم عمران خان کا دورہ چین ایک بڑی سفارتی کامیابی۔

ایک اہم کالم نگار راشد اے مغل لکھتے ہیں کہ امریکا اور کئی مغربی ممالک نے بیجنگ سرمائی اولمپکس 2022 کا بائیکاٹ کیا ہے لیکن وزیر اعظم عمران خان کی سرمائی اولمپکس کی افتتاحی تقریب میں شرکت پاک چین تعلقات کو مزید مضبوط بنانے کی جانب ایک اہم قدم تھا۔ انہوں نے اس بات پربھی روشنی ڈالی کہ پاکستان چین کو امریکہ کے متبادل کے طور پر نہیں دیکھتا لیکن پاکستان کی اندرونی اقتصادی ضرورت اور خطے میں بدلتی صورتحال کے پیش نظر پاکستان کو چین کی ضرورت ہے۔ اسی طرح چین نے اپنے بی آر آئی انیشیٹو کے فلیگ شپ پراجیکٹ سی پیک کے تحت 60 ارب ڈالر سے زیادہ کی بڑی سرمایہ کاری کی ہے۔ انہوں نے وزیراعظم عمران خان کے دورہ چین کو پاکستان کی بڑی سفارتی کامیابی قرار دیا جبکہ چین نے ایک بار پھر ثابت کیا ہے کہ وہ ہر حال میں پاکستان کے شانہ بشانہ کھڑا ہے۔