وزیرمنصوبہ بندی احسن اقبال نے سی پیک منصوبوں کے سفر کو تیزی سے آگے بڑھانے کے عزم کا اظہار کر دیا۔

وزیرمنصوبہ بندی و ترقی احسن اقبال نے کہا ہے کہ سی پیک منصوبوں پر کام کی رفتار تیز کرنا حکومت کی اولین ترجیح ہے۔ سی ڈی ڈبلیو پی کی جانب سے منظور کیے گئے مختلف منصوبوں کے بارے میں میڈیا سے بات کرتے ہوئے انہوں نے کہا کہ دیامر بھاشا ڈیم پر 900 ارب روپے کے پاور پروجیکٹ کی بھی منظوری دی گئی ہے۔ انہوں نے مزید کہا کہ گوادر واٹر سپلائی سکیم پر تعمیراتی کام رواں سال ستمبر تک مکمل ہو جائے گا اور شہر میں پانی کی کمی کو پورا کرنے کے لیے 1.2 ملین گیلن یومیہ ڈی سیلینیشن کی سہولت پر کام اکتوبر تک مکمل کر لیا جائے گا۔ انہوں نے یہ بھی بتایا کہ گوادر کا نیا بین الاقوامی ہوائی اڈہ مارچ 2023 تک تیار ہو جائے گا۔ انہوں نے بتایا کہ اتحادی حکومت نے سی پیک کے تحت ایم ایل ریلوے منصوبے کو شروع کرنے کے لیے چینی فریق کے ساتھ بات چیت شروع کر دی ہے۔