وفاقی حکومت جوائینٹ کوآرڈنیشن کمیٹی کی متوقع میٹنگ میں پنجاب اور سندھ کے لئے نئے منصوبوں پر تبادلہ خیال کرے گی۔۔۔۔

APP44-01 ISLAMABAD: November 01 - Federal Minister for Planning, Development & Reform Makhdum Khusro Bakhtyar, Federal Minister for Railways Sheikh Rasheed Ahmad, Federal Minister for Power Division Omar Ayub Khan, Special Assistant to PM for Information and Broadcasting Dr. Firdous Ashiq Awan & Special Assistant to the Prime Minister on Petroleum, Nadeem Babar addressing a joint press conference. APP photo by Saeed-ul-Mulk

وفاقی وزیر منصوبہ بندی و ترقی مخدوم خسرو بختیار نے کہا ہے کہ سی پیک منصوبہ کی جوائینٹ کوآرڈنیشن کمیٹی کی متوقع اگلی چوتھی میٹنگ میں پنجاب اور سندھ کے لئےنئے سماجی-اقتصادی اور انفراسٹریکچر سے متعلق پراجیکٹس پر تبادلہ خیال کیا جائے گا۔ تفصیلات کے مطابق سی پیک منصوبہ کی جوائینٹ کوآرڈنیشن کمیٹی کی چوتھی میٹنگ 6نومبر 2019کو متوقع ہے۔ اس ضمن میں وفاقی وزیر منصوبہ بندی و ترقی کا مزید کہنا ہےکہ سی پیک منصوبہ اپنے دوسرے مرحلے میں داخل ہو چکا ہے جس میں کئی شعبوں میں تعمیر و ترقی سے متعلق نئے پراجیکٹس شامل کیے جائیں گے۔انہوں نے مزید کہا کہ سی پیک منصوبہ کے پہلے مرحلے کے تحت اربوں ڈالر کی لاگت کے کئی ارلی ہارویسٹ توانائی اور انفراسٹریکچر کے پراجیکٹس تکمیل کو پہنچے ہیں جبکہ اب اگلے مرحلے میں دونوں ممالک صنعتی اور سماجی واقتصادی شعبے کی تعمیر و ترقی سے متعلق پراجیکٹس کو خاص طور پر ترجیح دے رہے ہیں جبکہ خصوصی اقتصادی علاقوں میں انڈسٹریل زونز پرحکومت خاص توجہ دے رہی ہے۔ان کا مزید کہنا تھا کہ کراچی کے سرکلر پراجیکٹس کے پریکٹیکل ماڈل کو تیار کیا جا رہا ہے جس سے سرمایہ کی راہیں ہموار ہونگی۔