وفاقی وزیر اسد عمر کی سربراہی میں پاک چین ریلیشنز اسٹیئرنگ کمیٹی تشکیل۔

حکومتِ پاکستان نے سی پیک کے تحت منصوبوں کی پیش رفت کو خوش اسلوبی سے آگے بڑھانے کے لئے پاک چین ریلیشنز اسٹیئرنگ کمیٹی قائم کی ہے۔ ایک سرکاری بیان میں اعلان کیا گیا کہ یہ فیصلہ وزیر اعظم عمران خان نے کیا ہےاور اس کمیٹی کے چیئرمین وزیر منصوبہ بندی و ترقیات اسد عمر ہوں گے۔ یہ ادارہ 15 ارکان پر مشتمل ہوگا جس میں حکومت ، مسلح افواج اور خفیہ ایجنسیوں کے نمائندے شامل ہوں گے۔ اس حوالے سےفیڈرل پلاننگ سیکریٹری حامد یعقوب شیخ نے کہا ہے کہ اسٹیئرنگ کمیٹی بطور کوآرڈینیٹر کام کرے گی اور بہتر مشاورت اور ہم آہنگی کو یقینی بنائے گی۔