پاک چین دو طرفہ تعلقات عالمی حالات کے نشیب و فراز میں بھی کسی صورت متاثر نہیں ہوئے،وزیر اعظم عمران خان۔

وزیر اعظم عمران خان نے چین کے71 ویں قومی دن پر اپنے مبارکبادی پیغام میں پاک چین دوستی کے سلسلے کو مزید آگے بڑھانے اور اس بیش بہا رشتے کو برقرار رکھنے کے لئے پاکستان کے عزم کا اعادہ کیا۔ انہوں نے کہا کہ اس سے کوئی فرق نہیں پڑتا ہے کہ بین الاقوامی منظر نامہ میں کیا تبدیلیاں رونما ہوتی ہیں مگر یہ دوستی چٹان کی طرح مضبوط ہے۔ انہوں نے چین کی طرزِحکمرانی کی تعریف کرتے ہوئے کہا کہ چین نے جس طرح سے بدعنوانی اور غربت کے معاملات پر قابو پایاہے جو ترقی پذیر ریاستوں کے نظام کے امور کو چلانے کے لئے نمونہ عمل ہے۔