پاک چین ٹریننگ پراجیکٹ پاکستانی اساتذہ اور طلباء کو ٹی سی ایم نالج فراہم کرنے میں کلیدی کردار ادا کرے گا۔

چین کی چنگ ڈاؤ بیہنائی یونیورسٹی کے ڈیجیٹل کلاس روم میں شروع کیا گیاچین پاکستان روایتی چینی طب (ٹی سی ایم) ٹیکنیکل ٹریننگ کورس 2020 کا مقصد پاکستانی اساتذہ اور طلباء کو ٹی سی ایم کے بنیادی نظریات اور جدید علم سے آشنائی فراہم کرنا ہے۔جبکہ اس میں اعلٰی معیار کو یقینی بنانے پر خصوصی زور دیا گیا ہے۔ چنگ ڈاؤ بیہنائی یونیورسٹی کے وائس پریذڈنٹ لیو لیانکسن نے کہا ہےکہ ٹی سی ایم ہزاروں سالوں سے چین کی روایتی ثقافت کا حصہ ہے اور یہ ایک موثر اور عمیق سائنس ہے۔ انہوں نے پاکستانی طلباء کا اس کورس سے فائدہ اٹھانے کو خوش آئند قرار دیا۔