پاکستان اور چین سی پیک کے تحت پیوپل ٹو پیوپل کنیکٹویٹی کے ثمرات سے بہرہ ور ہونگے۔

ایک انٹرویو میں سابق چیئرمین بی او آئی ہارون شریف نے کہا کہ سی پیک نے پاکستان اور چین کے مابین پہلے سے ہی گہری اعلٰی سطحی دوستی کی پختگی اور استحکام کی عکاسی کی ہے۔ انہوں نے مزید کہا کہ اس منصوبے کے آغاز سے پاکستان کے بنیادی ڈھانچے میں نمایاں بہتری آئی ہے۔ انہوں نے مزید کہا کہ دونوں ممالک کے لوگوں کے مابین تعلقات میں نمایاں اضافہ ہوا ہے جبکہ حقیقی لوگوں کی شراکت تب ہوگی جب وہ ایک دوسرے کی زبان اور ثقافت کو بہتر انداز میں سمجھیں گے جس کے لئے چینی یونیورسٹیاں پہلے ہی پاکستانی طلباء کو خدمات فراہم کررہی ہیں۔