پاکستان اور چین کاٹیکس کے نظام میں ایک دوسرے کے تجربات سے استفادہ کرنے کا فیصلہ۔۔۔۔

پاکستان اور چین نے ٹیکسوں کے نظام میں بہتری اور ایک دوسرے کے تجربات سے استفادہ کرنے کا فیصلہ کیاہے جس کے سبب وفاقی ادارہ برائے محصولات اور چائینہ سٹیٹ ایڈمنسٹریشن اس حوالے سے یاداشت پر دستخط کریں گے۔اس حوالے سے گفتگو کرتے ہوئےچئیرمین ایف بی آر سید شبّر زیدی کا کہنا تھا کہ پاکستان اور چین کے ٹیکس کے نظام سے منسلک اداروں کے مابین باہمی تعاون کے فروغ سے نہ صرف ٹیکس کی وصولی کے نظام میں بہتری کے ساتھ ایک دوسرے کے تجربات سے استفادہ کرنے کے مواقع میسر آئینگے بلکہ یہ پیش رفت دونوں ممالک کو معاشی طور پر مستحکم کرنے کے ساتھ ساتھ تجارت اور سرمایہ کاری کے لئے بھی نہایت معاون ثابت ہوگی۔