پاکستان اور چین کی جانب سےبیجنگ بین الاقوامی کتاب میلہ کا انعقاد۔

پاکستان اور چین کے دو طرفہ تعلقات کی 70ویں سالگرہ کی مناسبت سے 28 واں بیجنگ انٹرنیشنل بک فیئر (بی آئی بی ایف) منعقد ہوا۔اس تقریب سے خطاب کرتے ہوئے چین میں تعینات پاکستان کے سفیر معین الحق نے چین کے شرکاء کو ملکی ادب ، تاریخ اور ثقافت کو پیش کرنے کا موقع فراہم کرنے پر میلے کے منتظمین کا شکریہ ادا کیا۔ انہوں نے مزید کہا کہ یہ موقع دوطرفہ ادبی اور ثقافتی روابط کو مستحکم کرنے میں مدد دے گا۔ میلے میں پاکستان سے 100 سے زائد ادبی اور فنی تخلیقات کی نمائش کی گئی۔ 2021 میں پاکستان اور چین نے باہمی تراجم اور کلاسیکی تخلیقات کی اشاعت پر ایک مفاہمت نامے پر دستخط کیے ہیں اور یہ میلہ اس کا ایک اہم حصہ ہے۔