پاکستان اور چین کے درمیان سائنسی تعاون کو فروغ دینے کے لیے لیٹر آف انٹنٹ پردستخط۔

  ایک میڈیا رپورٹ کے مطابق پاکستان کی سپیشل ٹیکنالوجی زونز اتھارٹی (ایس ٹی زیڈ اے) اور چین کی ژونگ گوانگ کُون بیلٹ اینڈ روڈ انڈسٹریل پروموشن ایسوسی ایشن(زیڈ بی آر اے) نے ایک ورچوئل تقریب میں لیٹر آف انٹنٹ پر دستخط کیے ہیں جس کا مقصد سائنس اور ٹیکنالوجی کی ترقی کے تجربات اور ترقی کے بارے میں معلومات کے تبادلے،مکمل ایکو سسٹم، نئی ابھرتی ہوئی ٹیکنالوجیز اور ٹیکنالوجی زونز کی تعمیر اور انتظام کو فروغ دینا ہے۔اس تقریب میں ایس ٹی زیڈ اےکے چیئرمین عامر ہاشمی، زیڈ بی آر اے کے صدرژانگ شیاؤ ڈونگ، چین میں تعینات پاکستانی سفیر معین الحق اور وزیراعظم کے معاون خصوصی برائےسی پیک امور خالد منصور نے شرکت کی۔