پاکستان اور چین کے ذرائع ابلاغ کے درمیان تعاون من گھڑت خبروں کا مقابلہ کرنے کے لیے ناگزیر۔

ڈائلاگ کے ذریعے چین پاکستان تعلقات کی مضبوطی کے موضوع پر منعقد ہونے والے پہلے چائینہ پاکستان میڈیا فورم کے دوران پاکستان اور چین نے اپنے تعلقات کے حوالے سے پھیلائی جانے والی غلط خبروں کامقابلہ کرنے کا عہد کیا ہے۔ فورم سے خطاب کرتے ہوئے پاکستان میں تعینات چین کے سفیر نونگ رونگ نے کہا ہے کہ منفی رائے عامہ کا مقابلہ کرنے اور باہمی تعاون کو مضبوط بنانے کے لیے چینی اور اردو زبانوں کی تفہیم کی ضرورت ہے۔پاکستانی سفیر معین الحق نے کہا کہ پاک چین میڈیا تعاون لوگوں کے درمیان تعلقات کو مستحکم کرنے اور افہام و تفہیم کو بڑھانے میں مدد فراہم کر سکتا ہے۔