پاکستان سی پیک سپیشل اکنامک زونزز کی سہولت کے لئے پہلی مرتبہ 700 میگاواٹ سولرپاور پلانٹ تعمیر کرے گا۔

حکومتِ پاکستان چین پاکستان اقتصادی راہداری (سی پیک) کے تحت منصوبوں کی بروقت تکمیل کے لئے پرعزم ہے۔ تفصیلات کے مطابق حکومت نے سی پیک سپیشل اکنامک زونز (ایس ای زیڈز) یعنی ایم-3 انڈسٹریل سٹی اور علامہ اقبال انڈسٹریل سٹی (اے آئی آئی سی) کو توانائی فراہم کرنے کے لئے 700 میگا واٹ شمسی توانائی کا پاور پلانٹ لگانے کا فیصلہ کیا ہے۔ انویسٹمنٹ بورڈ (بی او آئی) نے بتایا ہے کہ چینی کمپنیوں نے سی پیک کے تحت سپیشل اکنامک زونز کے لئے شمسی توانائی سے بجلی گھر قائم کرنے کی تجویز پیش کی ہے۔ اس پاور پلانٹ پراجیکٹ میں چینی کمپنیوں کے ساتھ شراکت دار فیصل آباد انڈسٹریل اسٹیٹ ڈویلپمنٹ اینڈ منیجمنٹ کمپنی (ایف آئی ای ڈی ایم سی) ہوگی جو دونوں سپیشل اکنامک زونز کے لئے بجلی کی تخمینی ضروریات کو یقینی بنائے گی۔