پاکستان چین تعلقات کو مزید مستحکم کرنے کے لیے نوجوانوں کی قیادت میں اقدامات قابلِ تعریف،معین الحق،پاکستانی سفیر برائے چین۔

پاک چین سفارتی تعلقات کی 70 ویں سالگرہ کی مناسبت سے بیجنگ میں پاکستانی سفارتخانے نے وائس آف ڈپلومیسی کے تعاون سےثقافتی تقریب کا اہتمام کیا۔ اس تقریب میں پاکستانی اور چینی طلباء کی ثقافتی پرفارمنس اور چین میں تعینات پاکستان کے سفیر معین الحق کا کلیدی خطاب شامل تھا۔ پاکستانی سفیر معین الحق نے اس موقع پرکہا کہ نوجوانوں پر مشتمل اس طرح کی تقریبات سے عوامی روابط کو فروغ دینے میں مدد ملے گی۔