پاکستان چینی سرمایہ کاری کے لیے ایک پرکشش مقام ہے،معین الحق،پاکستانی سفیر برائے چین۔

پاکستان انوسٹمنٹ فورم اور کراس بارڈر ای کامرس بزنس نیگوشیئشن کانفرنس کے شرکاء سے خطاب کرتے ہوئے چین میں تعینات پاکستان کے سفیر معین الحق نے کہا ہے کہ پاکستان چینی کاروباریوں کے لیے ابھرتی ہوئی سب سے پرکشش مارکیٹ ہے۔ انہوں نے چینی تاجروں کو پاکستان میں سرمایہ کاری کے لیے سازگار ماحول سے فائدہ اٹھانے کی دعوت بھی دی۔ انہوں نے شرکاء کو یہ بھی بتایا کہ توانائی، انفراسٹرکچر، فارماسیوٹیکل، آٹوموبائل، آئی ٹی، زراعت اور دیگر جیسے بے شمار شعبے ہیں جہاں چینی سرمایہ کار پاکستان میں سرمایہ کاری سے فائدہ اٹھا سکتے ہیں۔ انہوں نے مزید کہا پیوپل ٹو پیوپل کنیکٹویٹی دو طرفہ رشتے کو مزید مضبوط کرنے کے لیے نیک شگون ثابت ہو سکتا ہے۔