پاکستان کی جانب سےترک تاجروں کو سی پیک کے تحت سرمایہ کاری کے مواقعوں سے فائدہ اٹھانے کی دعوت۔

وفاقی وزیر برائے سرمایہ کاری بورڈ (بی او آئی) اور خصوصی اقدامات چوہدری سالک حسین اور بورڈ آف انویسٹمنٹ کی سیکرٹری فارینہ مظہر نے استنبول میں ترکی-پاکستان بزنس کونسل آف ڈی ای کے فارن اکنامک ریلیشن بورڈ آف ترکی کے عہدیداران سے ملاقات کی۔ ترک پاکستان بزنس کونسل کے صدر چنگیز اوزدیمیر اور ترکی کے مختلف کاروباری گروپوں کے نمائندوں نے وفاقی وزیر اور بورڈ آف انویسٹمنٹ کے سیکرٹری کا استقبال کیا۔ بورڈ آف انوسٹمنٹ کے سیکرٹری نے تاجروں کو سی پیک کے تحت پاکستان کے خصوصی اقتصادی زونزمیں متعدد شعبوں میں سرمایہ کاری کے مواقعوں سے فائدہ اٹھانے کی دعوت دی۔