پاکستانی صحافیوں کے وفد کا بیجنگ میں پاور چائینہ کے ہیڈ کوارٹر کا دورہ۔۔۔۔

پاکستان کے صحافیوں کے وفد نے بیجنگ کے دورے کے دوران بیجنگ میں واقع پاور چائینہ کے ہیڈ کوارٹر کا رخ کیا۔ اس دوران پاور چائینہ پارٹی افیئرز کے ڈائریکٹر جنرل سن ڈیگاؤ کا کہنا تھا کہ چین کسی صورت پاکستان کو تنہا نہیں چھوڑے گا بلکہ مستقبل میں ماہرانہ شراکت داری اور سرمایہ کاری کو مزید فروغ دے گا۔اس موقع پر ڈائریکٹر جنرل کا وفد کو بریفنگ دیتے ہوئے پاکستان کی تعمیر و ترقی کے لئے چین کی کاوشوں کا برملا اظہار کرتے ہوئے چینی صدر شی جن پنگ کا حوالہ دیتے ہوئے کیا کہ پاک چین دوستی ہمالیہ سے بلند اور شہد سے زیادہ میٹھی ہے۔اس دوران چائینہ پاور یوریشیا کے نائب صدر لی منگ کا کہنا تھا کہ چین ہر شعبے میں پاکستان کی مدد و معاونت جاری رکھے گا اور سی پیک منصوبہ کو مشترکہ کاوشوں کے ذریعےسے کامیابی سے ہمکنار کیا جائے گا۔چائینہ پاور یوریشیا کے کمرشل منیجر شو شی نے اس موقع پر کہا کہ چین نے پاکستان کے توانائی کے بحران پر قابو پانے کے لئے تہیہ کر رکھا ہے۔