پی سی جے سی سی آئی کی جانب سے چینی تعاون کا اعتراف اور پذیرائی کے لئے خصوصی تقریب کا اہتمام۔

پاک چین جوائنٹ چیمبر آف کامرس اینڈ انڈسٹری (پی سی جے سی سی آئی) نے 1951 سے لے کر تا ایں دم پاکستان کے ساتھ چین کے تعاون کو تسلیم کرنے اور اس کو سراہنے کے لئے ایک تقریب کا اہتمام کیا۔ اس اجلاس میں پی سی جے سی سی آئی کے صدر ایس ایم نوید اور ایگزیکٹو کمیٹی کے متعدد ممبران نے شرکت کی۔ ایس ایم نوید نے کہا کہ ہر مشکل وقت میں پاکستان اور چین ایک دوسرے کے شانہ بشانہ کھڑے رہے ہیں۔ پی سی جے سی سی آئی کے سیکریٹری جنرل صلاح الدین حنیف نے کہا کہ سی پیک بی آر آئی ایک اعلٰی معیاری منصوبہ بننے کی جانب گامزن ہے جو دوطرفہ معاشی نمو کو تیز کرے گا۔