پی ٹی آئی کی حکومت نے دو سال میں سی پیک پر موثر عملدرآمد کو یقینی بنایا۔

واضح رہے کہ پاکستان تحریک انصاف (پی ٹی آئی) کی حکومت کی دو سالہ کارکردگی رپورٹ میں سپیشل اکنامک زونز (ایس ای زیڈ) سمیت سی پیک سے متعلق منصوبوں پر اہم پیشرفت کے سنگ میل حاصل کیے گئےہیں۔تفصیلات کے مطابق اس ماہ علامہ اقبال انڈسٹریل زون کی سنگِ بنیاد رکھنے کے علاوہ ، رشکئی ایس زیڈ کے ترقیاتی معاہدے کی منظوری اور دھابیجی ایس ای زیڈ کے لئے درخواست برائے تجاویز (آر ایف پی) کو بھی حتمی شکل دی جائے گی۔ وزارت منصوبہ بندی ، ترقی اور اصلاحات نے سکھر-لاڑکانہ کو گوادر سے ملانے والی مشرقی مغرب کی موٹر وے ایم-8 موٹر وے پر کام شروع کیا ہے۔ حکومت نے پبلک سیکٹر ڈویلپمنٹ پروگرام (پی ایس ڈی پی) کے تحت سی پیک کے تین ترجیحی سپشل اکنامک زونز پر عمل درآمد آسان بنانے کی یقین دہانی کرائی ہے۔