چین اور پاکستان سی پیک کی بروقت تکمیل کے لئے تمام تر کاوشوں کو بروئے کار لانے کے لئے پُرعزم۔

وزیر خارجہ شاہ محمود قریشی نے باہمی تعلقات کو مستحکم کرنے کے لئے سبکدوش ہونے والے چینی سفیر یاؤ جِنگ کی خدمات کوشاندار الفاظ میں سراہا ہے۔ چینی سفیر یاؤ جِنگ سے ملاقات کے دوران وزیر خارجہ شاہ محمود قریشی نے کہاکہ چین اور پاکستان سی پیک کے تحت منصوبوں کی بروقت تکمیل کے لئے پُرعزم ہیں۔ انہوں نے چینی سفیر یاؤ جِنگ کو ان کی خدمات کے اعتراف میں ہلال پاکستان ایوارڈ حاصل کرنے پر مبارکباد دی۔