چین اور پاکستان کے عوام کا عہدِ جدید میں مشترکہ مستقبل کی تعمیرچین کا دیرینہ خواب ہے،لانگ ڈنگبن،چینی قونصل جنرل۔

چین کے 71 ویں قومی دن کے موقع پرچینی قونصل خانہ لاہور کے قونصل جنرل لانگ ڈنگبن نے چینی کاروباری اداروں کے ساتھ تعاون کرنے پر پنجاب کے عوام اور حکومت کی تعریف کرتے ہوئے پاک چین تعلقات کو بامِ عروج تک لے جانے کے عزم کا اعادہ کیا ہے۔ انہوں نے کہا کہ لاہور میں چینی قونصل خانہ نے عالمی وبائی بیماری سے لڑنے میں حکومت پنجاب کی مدد کی ہے۔ انہوں نے کہا کہ ہیلتھ سلک روڑ مستقبل میں وبائی بیماریوں کے پھیلاؤ پر قابو پانے کے لئے فائدہ مند ثابت ہوگا۔ مزید برآں انہوں نے کہا کہ عالمی وبائی بیماری کے باوجود سی پیک پراجیکٹس پر کام تیزی سے جاری ہے۔ انہوں نے پاکستانی عوام کو دعوت دی کہ وہ مشترکہ طور پر سال2021ء کا خیر مقدم کریں جو چین پاکستان سفارتی تعلقات کی 70 ویں سالگرہ کے موقع پر منایا جائے گا۔