چین اور پاکستان کے مابین تعلقات کو مستحکم کرنے میں سی جی جی سی کلیدی کردار ادا کر رہی ہے۔

چائینہ گیزوبا گروپ کمپنی (سی جی جی سی) کے صدر چَین ژیاؤہُوا نے کہا ہے کہ ان کی کمپنی کی چین اور پاکستان کے مجموعی تعاون پر خاص نظر ہے اور مستقبل میں بھی یہ پاکستان کی سماجی اور اقتصادی ترقی میں زیادہ سے زیادہ اپنا کردار ادا کرے گی۔ ان خیالات کا اظہار انہوں نے چین میں تعینات پاکستانی سفیر معین الحق سے ووہان ہونے والی ملاقات کے دوران کیا۔ اس موقع پر پاکستانی سفیر معین الحق نے کہا کہ سی جی جی سی کے ذریعےتعمیر شدہ یا زیرِ تعمیرمتعدد اہم منصوبوں نے پاکستان کی اقتصادی ترقی کو فروغ دینے اور ملازمتوں کے مواقع پیدا کرنے میں اہم کردار ادا کیا ہے۔