چین زرعی تحقیق میں پاکستان کی مدد کا سلسلہ جاری رکھے گا، چینی قونصل جنرل

لاہور میں تعینات چین کے قونصل جنرل ژاؤ شیرین نے کہا ہے کہ چین زرعی تحقیق کے شعبے خاص طور پر نئے زیادہ پیداوار والے چاول کے بیجوں کو تیار کرنے حوالے سے پاکستان کی مدد کا سلسلہ جاری رکھے گا  تاکہ بڑھتی ہوئی آبادی کی ضروریات کو پورا کرنے کے لیے پیداوار کوبڑھایا جا سکے۔ ان خیالات کا اظہار انہوں نے پاکستان کی معروف زرعی کمپنی گارڈ ایگریکلچرل ریسرچ اینڈ سروسز کے دورہ کے موقع پر کیا۔