چین نے پاکستان کے لیے 2.1ارب ڈالر کا قرضہ رول اوور کرنے کی منظوری دے دی

چین نے پاکستان کا 2.1 ارب ڈالر کا قرضہ موخر کرنے کی منظوری دے دی ہے ادائیگی کی مدت میں دو سال کی توسیع کر دی ہے۔ پاکستانی حکام کو باضابطہ طور پر چین کے ایگزم بینک نے ایک سرکاری خط کے ذریعے قرض کی التوا کے بارے میں آگاہ کیا تھا۔ وزارت خزانہ کے ذرائع کے مطابق پاکستان کو قرض پر کوئی اضافی سود ادا کرنے کی ضرورت نہیں ہوگی، کیونکہ قرض کے معاہدوں کی ادائیگی کی مدت 21 جولائی 2023 سے بڑھا کر 30 جون 2025 تک کردی گئی ہے۔ غور طلب ہے کہ جون میں چین نے پاکستان کو معاشی بحران سے نمٹنے کے لیے ایک ارب ڈالر فراہم کیے تھے۔