چین نےکووڈ -19 کے خلاف جنگ میں پاکستان کی مدد کا سلسلہ جاری رکھتے ہوئے طبی سازوسامان کی پانچویں کھیپ بھیج دی۔

کووڈ-19 پر قابو پانے اور اسےپھیلنے سے روکنے کے لئے چین کی سرکاری اور نجی سطح پر پاکستان کی مسلسل حمایت دونوں ممالک کی حقیقی دوستی کی صحیح معنوں میں ترجمانی کرتی ہے۔ چین نے پاکستان کے نیشنل ڈیزاسٹر مینجمنٹ اتھارٹی (این ڈی ایم اے) کو مزید طبی سامان عطیہ کیا ہے۔ پاکستان انٹرنیشنل ایئر لائن (پی آئی اے) کا ایک خصوصی طیارہ 30 ایکس رے مشینیں،110,000 این-95ماسک،20,000 میڈیکل ماسک ، 17,000حفاظتی سوٹ ، 82 کارٹن سرجیکل گاؤن اور دیگر عطیہ کردہ اشیاء اورطبی سامان لے کر اسلام آباد پہنچ گیا ہے۔ این ڈی ایم اے کے عہدیدار نے بتایا ہے کہ چین سے پہنچنے والی طبی سامان کی یہ 5 ویں کھیپ ہے۔