چین کووڈ-19ویکسین ٹرائل میں عالمی سطح پر تعاون کو مضبوط بنانے کے لئے پرعزم۔

چین نے کووڈ-19 کی وبا سے نمٹنے کے لئے عالمی سطح پر مربوط ردعمل پر زور دیا ہے۔ تفصیلات کے مطابق چینی وزیر برائے سائنس و ٹیکنالوجی وانگ ژی گانگ نے کووڈ-19 ویکسین کی تیاری اور جانچ میں بین الاقوامی تعاون کو یقینی بنانے کے عزم کا اعادہ کیا ہے۔ واضح رہے کہ چینی صدر شی جن پنگ نے بھی ایک بار تیار ہونے والی ویکسین کو “عالمی عوام کے لئے موثر” بنانے کے عزم کا اظہار کیا ہے۔جبکہ عالمی ادارہ صحت نے عالمی وبائی مرض کے لئے ویکسین تیار کرنے کی چینی کوششوں کو سراہا ہے۔ ایک رپورٹ میں چین نے کووڈ-19 کے بارے میں تاخیر سے قومی ردعمل کے الزام کو سختی سے مسترد کرتے ہوئے موقف اختیار کیا ہے کہ اس نے عالمی برادری کو پوری دنیا میں وبا کی روک تھام اور کنٹرول کرنے کے لئےبروقت آگاہ کیا ہے۔