چین کی جانب سے سی پیک اور پاک چین دوستی کے حوالے سے امریکی سفارت کار ایلس ویلز کے بیانات سختی سےمسترد۔

چین کے بیلٹ اینڈ روڈ انیشی ایٹو (بی آر آئی) کے فلیگ شپ پراجیکٹ سی پیک اور پاکستان چین تعلقات کو سبوتاژ کرنے کے لئے امریکی سفارتکار ایلس ویلزنے کئی بار غیر ذمہ دارانہ بیانات دیے ہیں۔ تفصیلات کے مطابق ایلس ویلز کی بے بنیاد تنقید کے جواب میں پاکستان میں چینی سفارت خانہ نے ان کے من گھڑت الزامات کو سختی سے مسترد کردیا ہے۔ چینی سفارتخانہ نے اسے چین-پاکستان تعلقات اور سی پیک کو بدنام کرنے کے لئے امریکہ کی مذہوم کوشش قرار دیا ہے۔نیز علاقائی امن و استحکام کو برقرار رکھنے کے لئے امریکہ کو غیر ذمہ دارانہ اور بے بنیاد الزامات سے گریز کرنے کے ساتھ ساتھ پاکستان اور چین کے درمیان خطے میں دوطرفہ تعلقات کے بارے میں دانشمندانہ اور مثبت رویہ اختیار کرنے کی ترغیب دی گئی ہے۔