چین کی جانب سےعلامہ اقبال انڈسٹریل سٹی میں سرمایہ کاری کے فروغ میں مکمل تعاون کی یقین دہانی۔

چینی قونصل جنرل لانگ ڈنگبن نے علامہ اقبال انڈسٹریل سٹی میں سرمایہ کاری کے لئے چین کے عزم کی تصدیق کی ہے۔ چینی کمپنیوں کو فیصل آباد انڈسٹریل اسٹیٹ ڈویلپمنٹ اینڈ مینجمنٹ کمپنی (ایف آئی ای ڈی ایم سی) کے معاشی زون میں سرمایہ کاری کے مواقع کے بارے میں آگاہ کرنے کے لئے ویبینار منعقد کرنے کا منصوبہ بنایا جارہا ہے۔ چینی کمپنیوں کا وفد جو ویبینار میں شرکت کرے گا معاہدوں کو حتمی شکل دینے کے لئے فروری میں پاکستان کا دورہ کرے گا۔ مزید برآں انہوں نے کہا کہ دونوں ممالک اپنی 70 ویں سفارتی سالگرہ جوش و جذبے کے ساتھ منائیں گے۔ چیئرمین ایف آئی ای ڈی ایم سی میاں کاشف اشفاق نے چینی قونصلر کا شکریہ ادا کرتے ہوئے کہا کہ اے آئی آئی سی میں ترقی کے دوسرے مرحلے پر دوسرا کام تیزی سے جاری ہے اور انہوں نے امید ظاہر کی ہے کہ اگلے ڈیڑھ سے دوسال کے دوران صنعتی یونٹ پیداوار شروع کردیں گے۔