چینی ایکسپرٹ نے سی پیک کو پاکستان کے لیے گیم چینجر اہمیت کا حامل قرار دے دیا

پیکنگ یونیورسٹی کے سینٹر فار ساؤتھ ایشین اسٹڈیز کے ایگزیکٹو ڈپٹی ڈائریکٹر ڈاکٹر وانگ سو لکھتے ہیں کہ پاکستان کے وزیر اعظم شہباز شریف نے چین کے اپنے پہلے سرکاری دورے کے دوران بی آر آئی کی اعلیٰ معیار کی ترقی کے لیے اپنی حکومت کے عزم کا اعادہ کیا۔ انہوں نے اس بات پر روشنی ڈالی کہ کوویڈ 19 کی وبا کے دوران بھی سی پیک منصوبوں کے تحت تعمیر و ترقی کے سفر میں کوئی رکاوٹ نہیں آئی، پاکستانی عملے کی نوکریوں میں کوئی کٹوتی ہوئی اور نہ ہی چینی انجینئرز اور ورکرز کی واپسی ہوئی۔ اپنے مضمون میں ڈاکٹر سو نے ذکر کیا ہے کہ پہلے کامیاب مرحلے کی بنیاد پر سی پیک نے صنعتی تعاون، زراعت اور سماجی بہتری پر توجہ مرکوز کرتے ہوئے اعلیٰ معیار کی ترقی کے ایک نئے مرحلے میں داخل ہوا ہے۔ انہوں نے نتیجہ اخذ کیا کہ سی پیک کسی سٹریٹجک ارادے کے لیے سبسڈی کے طور پر تحفہ نہیں ہے، بلکہ سرمایہ کاری اور فنانسنگ، سرکاری قرضے اور ناقابل واپسی امداد سمیت مختلف فارمیٹس پر مبنی اقتصادی تعاون کا منصوبہ ہے۔ سی پیک کی کامیابی بھی خود کو کسی بھی طرح جیو اسٹریٹجک ٹول ثابت نہیں کرتی بلکہ چین اور پاکستان کے درمیان اعلیٰ سطحی سٹریٹجک اتفاق رائے اور باہمی اعتماد کی عکاسی کرتی ہے۔