چینی تاجر پاکستان کو اپنا دوسراگھر تصور کرتےہیں، زوکی۔

فیڈریشن آف پاکستان چیمبر آف کامرس اینڈ انڈسٹری (ایف پی سی سی آئی) کے صدر میاں انجم نثار سے ملاقات کے دوران چینی کمپنی کائی جِنگ اور ماون جون کے چیف ایگزیکٹو زوکی نے کہا ہے کہ چینی تاجر حکومت اور پاکستان کی عوام کے تعاون سے نہایت مطمئن ہیں۔ انہوں نے انجم نثار کو یہ بھی بتایا کہ پاک چین کمپنیوں نے مشترکہ طور پر ایک کورونا تشخیصی کٹ تیار کی ہے جو کافی حد تک موثر ثابت ہوئی ہے۔ انجم نثار نے اس موقع پرکہا کہ بحران کے وقت پاکستان سے چین کی محبت کو کبھی فراموش نہیں کیا جائے گا۔