چینی خریدار پاکستان کی ڈیری مصنوعات درآمد کرنے کے خواہشمند۔

بیجنگ میں پاکستانی سفارت خانہ کے کمرشل کونسلر بدر الزمان نے چائینہ اکنامک نیٹ (سی ای این) سے گفتگو کرتے ہوئے کہا ہےکہ پاکستان کی دودھ کی مصنوعات کے خالص اورمعیاری ہونےکی وجہ سے چینی مارکیٹ میں بہت زیادہ مانگ ہے۔ انہوں نے مزید کہا کہ پاکستان میں تازہ دودھ کی پیداوار تقریبا 50 ملین ٹن ہے اور ڈیری کے شعبے میں کاروباری افراد مختلف قسم کی مصنوعات تیار کرتے ہیں۔ مزید برآں انہوں نے کہا کہ چینی ہواؤ گروپ نے اس عمل کو آگے بڑھانے کے لئے نیسلے پاکستان کے ساتھ ایک معاہدے پر دستخط کیے ہیں۔