چینی کمیونسٹ پارٹی شعبہ بین الاقوامی کے وزیر تین روزہ دورے پرپاکستان پہنچ گئے

چین کی کمیونسٹ پارٹی کی سینٹرل کمیٹی کے بین الاقوامی شعبے کے وزیر لیو جیان چاو تین روزہ دورے پر اسلام آباد پہنچ گئے، جہاں وہ وزیراعظم شہباز شریف اور نائب وزیراعظم و وزیر خارجہ سینیٹر اسحاق ڈار سے ملاقاتیں کریں گے۔ لیو جیان چاو اور اسحاق ڈار سی پیک منصوبوں کا جائزہ لینے اور علاقائی رابطوں پر تبادلہ خیال کرنے کے لیے چین پاکستان اقتصادی راہداری پر پاک چین مشترکہ مشاورتی میکنزم کے تیسرے اجلاس کی مشترکہ صدارت کریں گے۔ یہ دورہ پاکستان اور چین کے درمیان مضبوط دوطرفہ تعلقات اور اسٹریٹجک شراکت داری کو اجاگر کرتا ہے۔