کابینہ کمیٹی برائے سی پیک نے کے کے ایچ فیز ون تھاکوٹ-رائیکوٹ سیکشن کی ری الائمنٹ کی منظوری دے دی۔

کابینہ کمیٹی برائے سی پیک نے کئی منصوبوں کی منظوری دی ہے جن میں شاہراہِ قراقرم تھاکوٹ-رائیکوٹ کی ری الائمنٹ، سی پیک کے خصوصی اقتصادی زونز کے لیے یوٹیلٹیز کی فراہمی، شمبہ شمائل میں پاکستان بحریہ کی اراضی اوراسلام آباد میں سی پیک بزنس اینڈ انڈسٹریل کوآپریشن ٹاورکے قیام شامل ہیں۔اس اجلاس کی صدارت وفاقی وزیر برائے منصوبہ بندی ترقی و خصوصی اقدامات اسد عمر نے کی۔ اجلاس میں وفاقی وزیر داخلہ شیخ رشید، وفاقی وزیر برائے اقتصادی امور عمر ایوب خان، وزیر خزانہ شوکت ترین، وزیراعظم کے معاون خصوصی برائے سی پیک امور خالد منصور اور دیگر متعلقہ اسٹیک ہولڈرز نے شرکت کی۔