کانفرنس کے مقررین نےسیالکوٹ اور چینی صنعت کے مابین تعاون کی ضرورت پر زور دیا۔

“برینڈنگ پاکستان: سیالکوٹ کی جدید برآمدی مارکیٹ کی ترقی” کے عنوان سے منعقدہ سیمینار میں مقررین نے سیالکوٹ اور چینی صنعت کے مابین تعاون کی اہمیت پر زور دیا ہے۔ انہوں نے موجودہ پلیٹ فارم کا مکمل استعمال، مشترکہ منصوبوں کے قیام ، چیمبر آف کامرس کے تعاون کو مستحکم کرنے ، ای کامرس کو ترقی دینے ، دوروں اور تبادلے کے بڑےپیمانے پر اضافے سمیت کئی سفارشات پیش کیں۔ خیبر پختونخوا بورڈ آف انویسٹمنٹ کے سی ای او حسن داؤد بٹ نے کہا کہ سیالکوٹ نے معاشی نمو کے ساتھ زبردست کارکردگی کا مظاہرہ کیا ہے۔ انہوں نے چین اور سیالکوٹ کے مابین براہ راست ایک ایسا طریقہ کار قائم کرنے کے لئے چیمبروں کو تجویز پیش کی کہ جس کے ذریعے یہ عمل تیزی سے آگے بڑھ سکے۔