گوادر یونیورسٹی نے جیانگ سو یونیورسٹی چائنا کے ساتھ تعلیمی تعاون کو فروغ دینے کے لیے مفاہمت کی یاداشت پر دستخط کر دیا۔

یونیورسٹی آف گوادر (یو جی) اور چین کی جیانگ سو یونیورسٹی نے مفاہمت کی یادداشت (ایم او یو) پر دستخط کیے ہیں۔ یونیورسٹیوں نے تحقیق، طلباء اور عملے کے تبادلوں اور تعلیمی پروگراموں میں تعاون کو فروغ دینے کے عزم کا اعادہ کیا ہے۔ دونوں یونیورسٹیوں نے باہمی فوائد کے حصول کے لیے انجینئرنگ، زرعی سائنس، طب اور منیجمینٹ کے شعبوں میں بیلٹ اینڈ روڈ انیشی ایٹو پی ایچ ڈی اور پوسٹ ڈاک فیکلٹی ممبر کوآپریشن پروگرام میں شامل کرنے کی تجویز پیش کی۔ ایم او یو پر جیانگ سو یونیورسٹی کے صدر پروفیسر ڈاکٹر یان زیلوہونگ اور وائس چانسلر یو جی پروفیسر ڈاکٹر عبدالرزاق صابر نے دستخط کیے۔